Deputeti i PDK’së, Memli Krasniqi, përmes një cicërime në Twitter ka komentuar lidhur me kritikat e Amerikës për Gjykatën Speciale.

Komiteti për Punë të Jashtme i Dhomës së Përfaqësuesve në Shtetet e Bashkuara e konsideruan të drejtë deklaratën e Daniel Serwer se Gjykata Speciale ka juridiksion për hetimin e autorëve serbë të krimeve të luftës nga viti 1998-2000, por se një juridiksion të tillë s’po e zbaton dhe po ndjek vetëm shqiptarët.

“Gjykata Speciale ka juridiksion mbi autorët serbë të krimeve të luftës nga viti 1998-2000, por nuk e ka ushtruar atë juridiksion përkundër faktit se shumica e krimeve janë kryer nga forcat serbe”, ka thënë Serwer.

E lidhur me këtë çështje, Krasniqi i PDK’së ka pyetur se a po dëgjon ndokush këtë thirrje.

“Por, a po e dëgjon kush”, ka pyetur Krasniqi në ‘retweetin’ e tij mbi cicërimën e Komitetit për Punë të Jashtme i Dhomës së Përfaqësuesve në Shtetet e Bashkuar.

But is anyone listening? https://t.co/gAGt0ne3wR

— Memli Krasniqi (@MemliKrasniqi) November 10, 2020

Eliot Engel i cili është edhe drejtues i Komitetit për Punë të Jashtme ditë më parë ka kërkuar nga Departamenti i Drejtësisë së SHBA’së që të hetojë punën e Speciales dhe që Ëashingtoni të ndërprejë bashkëpunimin nëse gjejnë që kjo gjykatë po ndjek vetëm shqiptarët.

Gjatë dy ditëve të fundit, ish-presidenti i Kosovës, Hashim Thaçi, dy ish-kryeparlamentarët, Kadri Veseli si dhe Jakup Krasniqi kanë dal para gjykatësve të Gjykatës Speciale me seli në Hagë të Holandës.

.@DanielSerwer is right: The Special Court does have jurisdiction over Serbian perpetrators of war crimes from 1998-2000, but has not exercised that jurisdiction despite the fact that most crimes were committed by Serbian forces. That’s why people call it an ‘ethnic court.’ https://t.co/UDK98DpT0F

— House Foreign Affairs Committee (@HouseForeign) November 10, 2020